Пра матуль можна гаварыць бясконца!
Быць мамай – гэта асаблівы ўзровень успрымання жыцця, клопату і адказнасці.
Быць мамай – гэта штодзённае, бязмежнае самаахвяраванне, цярплівасць, уменне пераадольваць выпрабаванні, невымерная пяшчота і разуменне.
Быць мамай – гэта адкрываць у сабе лепшыя чалавечыя якасці: дабрыню, спагадлівасць, бескарыслівасць, сумленнасць, любоў.
Таму сёння вучні нашай школы парадуюць матуль не толькі песнямі і танцамі на святочным канцэрце, але і падарунковымі купонамі. Кожны вучань змог выбраць купон для сваёй матулі. Умова – абавязкова выканаць заданне, якое напісана на купоне.