Паважаныя сябры!
Сардэчна запрашаем на старонку "Бацькоўскага ўніверсітэта" Дзяржаўнай установы адукацыі «Мілавідская сярэдняя школа» Баранавіцкага раёна.
Мы, настаўнікі школы, і Вы, законныя прадстаўнікі нашых навучэнцаў, абралі розныя ўніверсітэты для атрымання адукацыі, але пачуцці ў нас аднолькавыя: любоў да нашых дзяцей і жаданне ў кожным дзіцяці ўбачыць паспяховую асобу. Мы вельмі жадаем узгадаваць у кожным нашым дзіцяці сапраўднага Чалавека!
Выхаванне заўсёды было нялёгкай задачай, а ўжо тым больш у наш час, час пастаянных змен… Але як сказаў сусветна вядомы пісьменнік Паўла Каэльё: "Калі ты чаго-небудзь жадаеш вельмі моцна, увесь Сусвет дапамагае табе дасягнуць гэтага".
Мы разам з Вамі, выхоўваючы нашых дзяцей, вучымся і ўдасканальваемся самі. І вельмі спадзяемся, што Вы, з'яўляючыся самым вялікім прыкладам для сваіх дзяцей, гатовы да пастаяннага развіцця.
Мы заўсёды рады бачыць у нашым калектыве "Бацькоўскага ўніверсітэта" мэтанакіраваных, актыўных, крэатыўных студэнтаў - нашых бацькоў!
Разам у нас усё атрымаецца!
Бацькоўскі ўніверсітэт павінен спрыяць усталяванню кантактаў бацькоў са школай, узаемадзеянню бацькоў і педагогаў у выхаванні, развіцці і сацыялізацыі дзіцяці.
Мэта бацькоўскага ўніверсітэта —павышэнне педагагічнай і псіхалагічнай культуры бацькоў, фарміраванне адказнага, пазітыўнага бацькоўства.
Задачы бацькоўскага ўніверсітэта:
ствараць умовы для фарміравання каштоўнасна-сэнсавых асноў бацькоўства, адказнасці за выкананне бацькоўскіх функцый;
садзейнічаць развіццю псіхолага-педагагічных кампетэнцый бацькоў у галіне сямейнага выхавання (фарміраванне ведаў аб сямейнай псіхалогіі, дзіцяча-бацькоўскіх адносінах, узроставых асаблівасцях дзяцей); развіццю самаадукацыі бацькоў;
спрыяць эфектыўнаму супрацоўніцтву і партнёрству бацькоў навучэнцаў і ўстановы адукацыі.